ജോർജ് കുര്യൻ ഉൾപ്പെടെ 12 പേർ രാജ്യസഭയിലേക്ക്

കേന്ദ്രമന്ത്രി ജോർജ് കുര്യൻ രാജ്യസഭാംഗമായി തിരഞ്ഞെടുക്കപ്പെട്ടു. മധ്യപ്രദേശിൽ നിന്നാണ് ജോർജ് കുര്യൻ രാജ്യസഭയിലേക്കെത്തിയത്. ജോർജ് കുര്യൻ ഉൾപ്പെടെ 12 പേരാണ് രാജ്യസഭയിലേക്ക് എതിരില്ലാതെ തിരഞ്ഞെടുക്കപ്പെട്ടത്. BJP യുടെ 9 അംഗങ്ങളും സഖ്യകക്ഷികളായ NCP, രാഷ്ട്രീയ ലോക് മഞ്ച് എന്നിവയിൽ നിന്ന് ഓരോരുത്തരും കോൺഗ്രസിന്റെ ഒരംഗവുമാണ് രാജ്യസഭയിലേക്കെത്തിയത്. ഇതോടെ രാജ്യസഭയിലെ BJP യുടെ അംഗസംഖ്യ 96 ലേക്കും NDA യുടെ അംഗസംഖ്യ 112 ലേക്കും എത്തി. 245 അംഗ രാജ്യസഭയില്‍ നിലവില്‍ എട്ട് സീറ്റുകള്‍ ഒഴിഞ്ഞുകിടക്കുകയാണ്.

National249 days ago

കേന്ദ്ര മന്ത്രി ജോര്‍ജ് കുര്യൻ മധ്യപ്രദേശിൽ നിന്ന് രാജ്യസഭയിലേക്ക്

രാജ്യസഭാ ഉപതിരഞ്ഞെടുപ്പുകള്‍ക്കുള്ള സ്ഥാനാർത്ഥികളെ പ്രഖ്യാപിച്ച് BJP. സഹമന്ത്രിയായി കേന്ദ്രമന്ത്രിസഭയിലേക്കെത്തിയ ജോർജ് കുര്യൻ മധ്യപ്രദേശിൽനിന്ന് രാജ്യസഭയിലേക്ക് മത്സരിക്കും. ജോർജ് കുര്യനെ കൂടാതെ രാജ്യസഭയിലേക്ക് മത്സരിക്കുന്ന മറ്റ് ഒമ്പത് സ്ഥാനാർത്ഥികളുടെ പേരും BJP പ്രഖ്യാപിച്ചു. അസമില്‍ നിന്ന് രഞ്ജന്‍ ദാസും രാമേശ്വര്‍ തേലിയും മത്സരിക്കും. ബിഹാറില്‍ മനൻ കുമാര്‍ മിശ്ര, മഹാരാഷ്ട്രയില്‍ ധൈര്യശീൽ പട്ടേല്‍, രാജസ്ഥാനില്‍ സര്‍ദാര്‍ രവനീത് സിംഗ് ബിട്ടു, ഹരിയാനയില്‍ കിരണ്‍ ചൗധരി, ത്രിപുരയില്‍ രജീബ് ഭട്ടാചാരി, ഒഡീഷയില്‍ മമത മൊഹന്ത എന്നിവരാണ് BJP സ്ഥാനാര്‍ത്ഥികൾ.

Kerala256 days ago

BJP യെ പിന്തുണയ്ക്കില്ലെന്ന് BJD

BJP യെ ഇനി പിന്തുണയ്ക്കില്ലെന്ന് ഒഡീഷ മുൻ മുഖ്യമന്ത്രി നവീൻ പട്‌നായിക്കിൻ്റെ ബിജു ജനതാദൾ (BJD). പാർട്ടിയുടെ 9 രാജ്യസഭാ MP മാരുമായി കൂടിക്കാഴ്ച നടത്തിയ നവീൻ പട്‌നായിക് പാർലമെന്റിൽ ശക്തമായ പ്രതിപക്ഷമായി തുടരുമെന്ന് അറിയിച്ചു. മോദി സർക്കാരിന്റെ കഴിഞ്ഞ രണ്ട് ടേമുകളിലും വിവാദമായ പല ബില്ലുകൾക്കും BJD പിന്തുണ നൽകിയിരുന്നു. ഒഡീഷയിലെ നിയമസഭാ തിരഞ്ഞെടുപ്പിൽ BJD യെ തകർത്ത് BJP അധികാരത്തിലേറിയിരുന്നു. ഇതിന് പിന്നാലെയാണ് MP മാരുമായി കൂടിക്കാഴ്ച നടത്തി BJP ക്ക് പിന്തുണ നൽകില്ലെന്ന് BJD അധ്യക്ഷൻ നവീൻ പട്‌നായിക് അറിയിച്ചത്.

National313 days ago

BJP യുടെ രാജ്യസഭാ നേതാവായി ജെ.പി. നദ്ദയെ തിരഞ്ഞെടുത്തു

ജെ.പി. നദ്ദ BJP യുടെ രാജ്യസഭാ നേതാവ്. രാജ്യസഭാ നേതാവ് ആയിരുന്ന പിയൂഷ് ഗോയല്‍ ഇത്തവണ ലോക്‌സഭയിലേക്ക് വിജയിച്ചതോടെയാണ് ഗോയല്‍ രാജ്യസഭാ നേതൃസ്ഥാനം ഒഴിഞ്ഞത്. കേന്ദ്ര ആരോഗ്യവകുപ്പ് മന്ത്രിയാണ് ജെ.പി. നദ്ദ. BJP ദേശീയ അധ്യക്ഷനായ ജെ.പി. നദ്ദ കേന്ദ്രമന്ത്രിയായതോടെ പുതിയ അധ്യക്ഷനെ ഉടൻ നിയമിക്കും എന്നാണ് റിപ്പോർട്ട്.

National313 days ago

കേന്ദ്ര സഹമന്ത്രിയായി ജോര്‍ജ് കുര്യന്‍ ചുമതലയേറ്റു

ഫിഷറീസ്, മൃഗസംരക്ഷണ, ന്യൂനപക്ഷ ക്ഷേമ വകുപ്പുകളുടെ സഹമന്ത്രിയായിട്ടാണ് ജോര്‍ജ് കുര്യന്‍ ചുമതലയേറ്റെടുത്തത്. തീരപ്രദേശങ്ങളിലെ പ്രശ്നങ്ങള്‍ പരിഹരിക്കാന്‍ ശ്രമിക്കുമെന്നും കടലാക്രമണ ഭീഷണി നേരിടുന്ന മുതലപ്പൊഴി സന്ദര്‍ശിക്കുമെന്നും ചുമതലയേറ്റെടുത്ത ശേഷം അദ്ദേഹം പറഞ്ഞു. രാവിലെ, കേന്ദ്ര പെട്രോളിയം, ടൂറിസം സഹമന്ത്രിയായി സുരേഷ് ഗോപി ചുമതലയേറ്റിരുന്നു.

National326 days ago

രാജ്യസഭാ സീറ്റ്: വിട്ടുവീഴ്ച ചെയ്ത് CPI(M)

കേരളത്തിൽ നിന്ന് ഒഴിവുവരുന്ന രണ്ട് രാജ്യസഭാ സീറ്റുകളിലേക്കും LDF ൽ നിന്ന് CPI യും കേരള കോൺഗ്രസ് എമ്മും മത്സരിക്കും. LDF മുന്നണി യോഗത്തിലാണ് തീരുമാനം. രാജ്യസഭാ സീറ്റിനു വേണ്ടി കേരള കോൺഗ്രസ് CPI(M) ൽ സമ്മർദ്ദം ചെലുത്തിയിരുന്നു. ജോസ് കെ മാണിയാകും കേരള കോൺഗ്രസ് രാജ്യസഭാ സ്ഥാനാർത്ഥിയാവുക.

Kerala327 days ago

സുരേഷ് ഗോപി ഇനി കേന്ദ്ര സഹമന്ത്രി

നരേന്ദ്ര മോദിയുടെ നേതൃത്വത്തിലുള്ള മൂന്നാം NDA സർക്കാരിൽ കേരളത്തിൽ നിന്നുള്ള ലോക്സഭാംഗമായ സുരേഷ് ഗോപി കേന്ദ്ര സഹമന്ത്രിയായി സത്യപ്രതിജ്ഞ ചെയ്തു. തൃശൂർ മണ്ഡലത്തിലെ MP യാണ് സുരേഷ് ഗോപി. BJP യുടെ സംസ്ഥാന ജനറൽ സെക്രട്ടറി ജോർജ് കുര്യനും കേന്ദ്ര സഹമന്ത്രിയായി സത്യപ്രതിജ്ഞ ചെയ്തു.

Kerala328 days ago

സുരേഷ് ഗോപിക്കൊപ്പം ജോര്‍ജ് കുര്യനും കേന്ദ്ര മന്ത്രിസഭയിലേക്ക്

മൂന്നാം NDA സര്‍ക്കാരില്‍ നിന്ന് കേരളത്തില്‍ നിന്ന് സുരേഷ് ഗോപിയും ജോര്‍ജ് കുര്യനും മന്ത്രിമാരാകുമെന്ന് റിപ്പോര്‍ട്ട്. BJP സംസ്ഥാന ജനറല്‍ സെക്രട്ടറിയാണ് ജോര്‍ജ് കുര്യന്‍. രാവിലെ പ്രധാനമന്ത്രിയുടെ യോഗത്തില്‍ ജോര്‍ജ് കുര്യന്‍ പങ്കെടുത്തിരുന്നു. സുരേഷ് ഗോപിക്ക് ടൂറിസം, സാംസ്‌കാരികം എന്നീ വകുപ്പുകളില്‍ ഏതെങ്കിലുമൊന്ന് ലഭിക്കാനാണ് സാധ്യത.

Kerala328 days ago

സോണിയ ഗാന്ധി രാജ്യസഭാ MP യായി സത്യപ്രതിജ്ഞ ചെയ്തു

രാജസ്ഥാനിൽ നിന്നുള്ള രാജ്യസഭാ MP യായി ആണ് കോൺഗ്രസ് മുൻ അധ്യക്ഷ സോണിയ ഗാന്ധി രാജ്യസഭയിലെത്തിയത്. സോണിയ ഗാന്ധി, കേന്ദ്രമന്ത്രി അശ്വിനി വൈഷ്ണവ് തുടങ്ങി 14 പേരാണ് ഇന്ന് രാജ്യസഭാ MP മാരായി സത്യപ്രതിജ്ഞ ചെയ്തത്. മുൻ പ്രധാനമന്ത്രി മൻമോഹൻ സിങ്ങിന്റെ കാലാവധി പൂർത്തിയായതിനെ തുടർന്ന് ഒഴിവ് വന്ന സീറ്റിലേക്കാണ് സോണിയ ഗാന്ധി രാജസ്ഥാനിൽ നിന്ന് എതിരില്ലാതെ തിരഞ്ഞെടുക്കപ്പെട്ടത്. 25 വർഷം ലോക്സഭാ MP യായിരുന്ന സോണിയ ഗാന്ധി ആദ്യമായാണ് രാജ്യസഭയിലെത്തുന്നത്.

National394 days ago

മന്‍മോഹന്‍ സിംഗ് ഉള്‍പ്പെടെ 54 രാജ്യസഭാംഗങ്ങളുടെ കാലാവധി ഇന്ന് അവസാനിക്കും

മുന്‍ പ്രധാന മന്ത്രി മന്‍മോഹന്‍ സിംഗിന്റെ 33 വര്‍ഷത്തെ പാര്‍ലമെന്ററി ജീവിതത്തിനാണ് തീരശ്ശീല വീഴുന്നത്. രാജസ്ഥാനില്‍ നിന്ന് അദ്ദേഹത്തിന് പകരം സോണിയാ ഗാന്ധിയാണ് ഇക്കുറി രാജ്യസഭയിലെത്തുക. പരിസ്ഥിതി മന്ത്രി ഭൂപേന്ദ്ര യാദവിന്റെയും റെയില്‍വേ മന്ത്രി അശ്വിനി വൈഷ്ണവിന്റെയും കാലാവധി ഇന്ന് അവസാനിക്കും. രാജീവ് ചന്ദ്രശേഖര്‍, വി. മുരളീധരന്‍, ധര്‍മേന്ദ്ര പ്രധാന്‍, മന്‍സുഖ് മാണ്ഡവ്യ, പുര്‍ഷോത്തം രൂപാല, നാരായണ്‍ റാണെ, എല്‍ മുരുകന്‍ എന്നീ ഏഴ് കേന്ദ്രമന്ത്രിമാരുടെ രാജ്യസഭയിലെ കാലാവധി ഇന്നലെ അവസാനിച്ചു.

National396 days ago