K Rail പദ്ധതിയില്‍ പ്രായോഗിക തടസ്സങ്ങള്‍ ചൂണ്ടിക്കാട്ടി ദക്ഷിണ റെയിൽവെ

K Rail പദ്ധതിക്കായി നിശ്ചയിച്ച അലൈൻമെന്റ് റെയിൽവെയുമായി ചർച്ച നടത്തിയിട്ടല്ല തീരുമാനിച്ചതെന്ന് ദക്ഷിണ റെയിൽവേയുടെ റിപ്പോർട്ടിൽ പറയുന്നു. നിലവിലുള്ള ദക്ഷിണ റെയില്‍വെയുടെ പാതയില്‍ വേഗം കൂട്ടുന്നത് അടക്കമുളള നവീകരണ പ്രവര്‍ത്തനങ്ങള്‍ക്ക് തടസ്സം നേരിടുന്ന തരത്തിലാണ് K Rail പദ്ധതിക്കായി നിശ്ചയിച്ച സ്ഥലങ്ങളില്‍ ചിലതെന്നും റിപ്പോര്‍ട്ട് വ്യക്തമാക്കുന്നു.

Tags : Railway,K Rail

Kerala490 days ago

സ്വാതന്ത്ര്യദിനം: പ്രത്യേക ട്രെയിന്‍ സര്‍വീസുകളുമായി റെയില്‍വെ

സ്വാതന്ത്ര്യദിന അവധിയോടനുബന്ധിച്ചുള്ള തിരക്ക് പരിഗണിച്ചാണ് ദക്ഷിണ റെയില്‍വെ പ്രത്യേക ട്രെയിന്‍ സര്‍വീസുകള്‍ പ്രഖ്യാപിച്ചിരിക്കുന്നത്. മംഗളൂരുവില്‍ നിന്ന് കൊച്ചുവേളിയിലേക്കും തിരിച്ചുമാണ് പ്രത്യേക സര്‍വീസുകള്‍ അനുവദിച്ചിരിക്കുന്നത്. ആഗസ്റ്റ് 17ന് രാത്രി 7.30ന് മംഗളൂരുവില്‍ നിന്ന് പുറപ്പെടുന്ന ട്രെയിന്‍ പിറ്റേന്ന് രാവിലെ കൊച്ചുവേളിയിലെത്തും. ആഗസ്റ്റ് 18ന് വൈകിട്ട് 6.40ന് കൊച്ചുവേളിയില്‍ നിന്ന് മംഗളൂരുവിലേക്ക് തിരിച്ചും ഈ ട്രെയിന്‍ സര്‍വീസുണ്ടാകും.

National266 days ago

കെ റെയില്‍ പദ്ധതിക്കെതിരെ സമര സമിതി റെയിൽവേ മന്ത്രിക്ക് ഹർജി നൽകി

കെ റെയിൽ സിൽവർ ലൈൻ പദ്ധതി പിൻവലിക്കണമെന്നും പദ്ധതിക്കു വേണ്ടി സംസ്ഥാന സർക്കാർ ഇപ്പോൾ വീണ്ടും നടത്തുന്ന നീക്കങ്ങൾക്കു അംഗീകാരം നൽകരുതെന്നും ആവശ്യപ്പെട്ടാണ് കേന്ദ്ര റെയിൽവേ മന്ത്രി അശ്വിനി വൈഷ്ണവിന് ഹർജി നൽകിയത്. കെ റെയിൽ സിൽവർ ലൈൻ വിരുദ്ധ ജനകീയ സമിതിയാണ് പ്രദേശത്തെ 25000 കുടുംബങ്ങൾ ഒപ്പിട്ട ഹർജി സമർപ്പിച്ചത്. കെ റെയിൽ പദ്ധതിയെ കേന്ദ്ര സർക്കാർ അനുകൂലിക്കുന്നില്ലെന്നും ഉചിതമായ നടപടികൾ സ്വീകരിക്കുമെന്നും അശ്വനി വൈഷ്ണവ് അറിയിച്ചതായി സമരസമിതി രക്ഷാധികാരി അറിയിച്ചു.

Kerala272 days ago

എറണാകുളത്ത് റെയില്‍വെ ട്രാക്കിലേക്ക് മരം ഒടിഞ്ഞുവീണ് ട്രെയിന്‍ ഗതാഗതം തടസ്സപ്പെട്ടു

പച്ചാളം ലൂര്‍ദ്ദ് ആശുപത്രി പരിസരത്തെ പാളത്തിലേക്കാണ് സ്വകാര്യ വ്യക്തിയുടെ കേസില്‍ പെട്ടു കിടക്കുന്ന ഭൂമിയിലെ മരം പൊട്ടി വീണത്. റെയില്‍വെയുടെ വൈദ്യുതി ലൈനില്‍ തട്ടി മരത്തിന് തീപിടിക്കുകയും ചെയ്തു. അപായമൊന്നും ഉണ്ടായിട്ടില്ല. ഇതോടെ ട്രെയിന്‍ ഗതാഗതം താത്കാലികമായി നിര്‍ത്തിവച്ചിരിക്കുകയാണ്. വേണാട്, മംഗള എക്‌സ്പ്രസുകള്‍ പിടിച്ചിട്ടിട്ടുണ്ട്.

Kerala302 days ago

സില്‍വർ ലൈൻ പദ്ധതിക്ക് അനുമതി നൽകണം; കേന്ദ്രത്തോട് കേരളം

സിൽവർ ലൈൻ പദ്ധതിക്ക് അനുമതി നൽകണമെന്ന് കേരളം വീണ്ടും കേന്ദ്രത്തോട് ആവശ്യപ്പെട്ടു. ധനമന്ത്രി കെ.എൻ. ബാലഗോപാലാണ് ധനമന്ത്രിമാരുടെ ബജറ്റിന് മുന്നോടിയായുള്ള യോഗത്തിൽ ആവശ്യം ഉന്നയിച്ചത്. റെയിൽ ഗതാഗതത്തിൻ്റെ വർധിച്ചുവരുന്ന ആവശ്യം നിറവേറ്റാൻ നിലവിലുള്ള സംവിധാനങ്ങൾക്ക് കഴിയുന്നില്ലെന്നും മന്ത്രി പറഞ്ഞു. കേരളത്തിന്‌ 24,000 കോടി രൂപയുടെ പ്രത്യേക സാമ്പത്തിക പാക്കേജ്‌ അനുവദിക്കണമെന്നും ധനമന്ത്രി കെ.എൻ. ബാലഗോപാൽ ആവശ്യപ്പെട്ടു.

Kerala317 days ago

സില്‍വര്‍ ലൈന്‍ പദ്ധതി അട്ടിമറിക്കാന്‍ ശ്രമിച്ചെന്ന ആരോപണം; വി.ഡി. സതീശനെതിരായ ഹര്‍ജി തള്ളി

പ്രതിപക്ഷ നേതാവ് വി.ഡി. സതീശനെതിരെ വിജിലന്‍സ് അന്വേഷണം ആവശ്യപ്പെട്ടുള്ള ഹര്‍ജിയാണ് തിരുവനന്തപുരം വിജിലന്‍സ് കോടതി തള്ളിയത്. കെ റെയില്‍ പദ്ധതി അട്ടിമറിക്കാന്‍ അയല്‍സംസ്ഥാനങ്ങളില്‍ നിന്നും ഹവാലയിലൂടെ വി.ഡി. സതീശന്‍ പണം വാങ്ങിയെന്ന് പി.വി. അന്‍വര്‍ നിയമസഭയില്‍ ഉന്നയിച്ച ആരോപണത്തിന്റ അടിസ്ഥാനത്തിലായിരുന്നു ഹര്‍ജി. പൊതു പ്രവര്‍ത്തകന്‍ ഹാഫിസ് ആണ് ഹര്‍ജി നല്‍കിയത്.

Kerala382 days ago

അങ്കമാലി-എരുമേലി ശബരി റെയില്‍പാതയുടെ നിര്‍മാണം ഏറ്റെടുക്കാന്‍ സന്നദ്ധത അറിയിച്ച് K റെയില്‍

അങ്കമാലി മുതല്‍ എരുമേലി വരെ 111 കിലോമീറ്ററാണ് റെയില്‍പാതയ്ക്ക് വേണ്ടി വരിക. റെയില്‍വേ മേല്‍പാലങ്ങളുടെ നിര്‍മാണം K റെയിലിനെയാണ് ഏല്‍പിച്ചിട്ടുള്ളത്. ദക്ഷിണ റെയില്‍വേ അക്കൗണ്ട്‌സ് വിഭാഗം K റെയില്‍ സമര്‍പ്പിച്ച 3800 കോടി രൂപയുടെ പുതുക്കിയ എസ്റ്റിമേറ്റിന് അംഗീകാരം നല്‍കിയിരുന്നു. ശബരി റെയില്‍ പദ്ധതി കേന്ദ്ര- കേരള സര്‍ക്കാരുകള്‍ തുല്യ വിഹിതം മുടക്കി നടപ്പാക്കുന്നതാണ്.

Kerala418 days ago

കൊല്ലം-തിരുപ്പതി ദ്വൈവാര എക്സ്പ്രസ് ഇന്ന് മുതല്‍ സര്‍വീസ് ആരംഭിക്കും

ബുധന്‍, ശനി ദിവസങ്ങളിലാണ് കൊല്ലത്തു നിന്ന് തിരുപ്പതിയിലേക്ക് സര്‍വീസ് ഉണ്ടാകുക. തിരുപ്പതി-കൊല്ലം സര്‍വീസ് ചൊവ്വ, വെള്ളി ദിവസങ്ങളിലാണ് നടത്തുക. തിരുപ്പതിയിൽ നിന്ന് ഉച്ചയ്ക്ക് 2.40ന് തിരിക്കുന്ന എക്സ്പ്രസ് പിറ്റേന്ന് രാവിലെ 6.20ന് കൊല്ലത്ത് എത്തിച്ചേരും. കൊല്ലത്ത് നിന്ന് രാവിലെ 10.45ന് പുറപ്പെടുന്ന ട്രെയിൻ പിറ്റേന്ന് പുലർച്ചെ 3.20ന് തിരുപ്പതിയില്‍ എത്തുന്ന രീതിയിലാണ് സര്‍വീസ് ക്രമീകരിച്ചിരിക്കുന്നത്.

Kerala419 days ago

വന്ദേ സ്ലീപ്പര്‍ ട്രെയിനുകള്‍ ഉടന്‍ വരുമെന്ന് റെയില്‍വേ മന്ത്രി അശ്വിനി വൈഷ്ണവ്

ആദ്യ വന്ദേഭാരത് എക്സ്പ്രസ് സ്ലീപ്പര്‍ പ്രോട്ടോടൈപ്പിന്റെ നിര്‍മാണം പൂര്‍ത്തിയായിട്ടുണ്ടെന്നും BEML നിര്‍മിക്കുന്ന വന്ദേഭാരത് സ്ലീപ്പര്‍ ട്രെയിനുകളില്‍ വയര്‍ലെസ് നിയന്ത്രണ സംവിധാനമടക്കം ഉള്ളവയുണ്ടാകുമെന്നും മന്ത്രി പറഞ്ഞു. 160 കി.മീ വേഗതയില്‍ സഞ്ചരിക്കാന്‍ കഴിയുന്ന വന്ദേ ഭാരത് സ്ലീപ്പര്‍ ട്രെയിനില്‍ 11 AC 3 ടയര്‍ കോച്ചുകളും 4 AC 2 ടയര്‍ കോച്ചുകളും, ഒരു AC ഒന്നാം കോച്ചും ഉണ്ടാകും.

National422 days ago

ലോക്കോ പൈലറ്റില്ലാതെ ട്രെയിന്‍ ഓടിയ സംഭവത്തിൽ റെയിൽവേ മന്ത്രി വിശദീകരണം ആവശ്യപ്പെട്ടു

കശ്മീർ മുതൽ പഞ്ചാബ് വരെ 84 കിലോമീറ്റർ ലോക്കോ പൈലറ്റില്ലാതെ ചരക്ക് ട്രെയിന്‍ ഓടിയ സംഭവത്തിൽ കേന്ദ്ര റെയിൽവേ മന്ത്രി അശ്വിനി വൈഷ്ണവ് റിപ്പോർട്ട് തേടി. പ്രാഥമിക റിപ്പോർട്ട് അന്വേഷണ സംഘം ഇന്ന് മന്ത്രിക്ക് കൈമാറും. നിർത്തിയിട്ടിരുന്ന ട്രെയിൻ ഹാൻഡ് ബ്രേക്ക് ചെയ്യാതെ ലോക്കോ പൈലറ്റ് ഇറങ്ങിപ്പോയതാണ് സംഭവത്തിന് കാരണമായത്.

National434 days ago

ജമ്മു കശ്മീരില്‍ ചരക്കു ട്രെയിൻ ലോക്കോ പൈലറ്റില്ലാതെ കിലോമീറ്ററുകളോളം ഓടി

ലോക്കോ പൈലറ്റ് ഇല്ലാതെ കഠ്‌വ മുതൽ പഞ്ചാബ് വരെയാണ് ട്രെയിൻ ഓടിയത്. കഠ്‌വ സ്റ്റേഷനിൽ നിർത്തിയിട്ടിരുന്ന ട്രെയിൻ അവിചാരിതമായി തനിയെ നീങ്ങുകയായിരുന്നു. നിര്‍ത്തി ഇട്ടിരുന്നതിന് മുന്നിലായി ഉളള ചെറിയ ഇറക്കത്തിലൂടെ തനിയെ ഉരുണ്ടു നീങ്ങി ട്രെയിൻ വേഗത ആര്‍ജിച്ചു. സംഭവത്തില്‍ വൻ ദുരന്തമാണ് ഒഴിവായത്.

National435 days ago