ചെങ്കടലിലെ സംഘര്‍ഷം: ഇന്ത്യയില്‍നിന്നുള്ള വിവിധ ഉല്‍പ്പന്നങ്ങളുടെ കയറ്റുമതി പ്രതിസന്ധി

ചെങ്കടലിലെ സംഘര്‍ഷം രൂക്ഷമായ സാഹചര്യത്തില്‍ കപ്പലുകള്‍ റൂട്ട് മാറിപ്പോവുന്നതിനാല്‍ ഇന്ത്യയില്‍നിന്നുള്ള കയറ്റുമതിയും പ്രതിസന്ധിയിലായിരിക്കുകയാണ്. കപ്പലുകള്‍ക്ക് കേപ് ഓഫ് ഗുഡ് ഹോപ്പ് ചുറ്റി യൂറോപ്പിലെത്താന്‍ 6500 കിലോമീറ്ററിലധികം സഞ്ചരിക്കേണ്ടി വരുന്നതിനാല്‍ ചെലവ് വര്‍ധിച്ചു. ഇതിന് ആനുപാതികമായി വിലയും കൂടിയതിനാല്‍ ഉല്‍പ്പന്നങ്ങള്‍ വാങ്ങുന്നത് വിദേശരാജ്യങ്ങള്‍ കുറച്ചിരിക്കുകയാണ്. ഇതാണ് പ്രതിസന്ധിയാവുന്നത്. ഇന്ത്യയില്‍നിന്ന് കയറ്റുമതി ചെയ്യുന്ന ബസ്മതി അരിയുടെ വില വന്‍തോതില്‍ വര്‍ധിച്ചതോടെ പശ്ചിമേഷ്യയിലും അമേരിക്കയിലും യൂറോപ്പിലുമെല്ലാം ആവശ്യക്കാര്‍ കുറയുകയാണ്.

Tags : Export,Red Sea

National457 days ago

ഇന്ത്യയിലേക്ക് ഹില്‍സ മത്സ്യക്കയറ്റുമതി നിരോധിച്ച് ബംഗ്ലാദേശ്

ദുര്‍ഗാപൂജ ആഘോഷങ്ങള്‍ അടുത്തതിനെ തുടര്‍ന്നാണ് ഇന്ത്യയിലേക്കുള്ള ഹില്‍സ മത്സ്യക്കയറ്റുമതിക്ക് ബംഗ്ലാദേശ് സര്‍ക്കാര്‍ നിരോധനം ഏര്‍പ്പെടുത്തിയിരിക്കുന്നത്. ദുര്‍ഗ പൂജയുള്‍പ്പെടെയുള്ള ആഘോഷവേളകളിലെ വിശിഷ്ട വിഭവങ്ങളിലൊന്നാണ് ഹില്‍സ മത്സ്യം. അതിനാല്‍ പ്രാദേശിക ഉപഭോക്താക്കള്‍ക്ക് വേണ്ടത്ര മത്സ്യലഭ്യത ഉറപ്പുവരുത്താന്‍ വേണ്ടിയാണ് ദുര്‍ഗാപൂജ സമയത്ത് ഇന്ത്യയിലേക്കുള്ള ഇലിഷ് അഥവാ പദ്മ ഹില്‍സ കയറ്റുമതി നിര്‍ത്തിവെയ്ക്കാന്‍ വാണിജ്യ മന്ത്രാലയത്തിന് നിര്‍ദേശം നല്‍കിയിരിക്കുന്നത്.

National236 days ago

സവാളയുടെ കയറ്റുമതി നിയന്ത്രണങ്ങൾ കേന്ദ്ര സർക്കാർ ഭാഗികമായി പിൻവലിക്കുന്നു

മഹാരാഷ്ട്രയിൽ നിന്നും ആറ് രാജ്യങ്ങളിലേക്ക് 99,500 ടൺ സവാള കയറ്റുമതി നടത്താൻ സർക്കാർ അനുമതി നല്‍കി. കഴിഞ്ഞ വിളവെടുപ്പ് സീസണിൽ കാലാവസ്ഥാ വ്യതിയാനം മൂലം ഉല്‍പ്പാദനത്തിൽ കനത്ത ഇടിവ് നേരിട്ടതിനാല്‍ രാജ്യത്ത് സവാള വിലയില്‍ വന്‍ വര്‍ധനവ് ഉണ്ടായതാണ് പ്രതിസന്ധി സൃഷ്ടിച്ചത്. ഇതോടെ ആഭ്യന്തര വിപണിയിൽ വില പിടിച്ചുനിറുത്തുന്നതിന് കേന്ദ്ര ഉപഭോക്തൃ മന്ത്രാലയം സവാളയുടെ കയറ്റുമതിക്ക് ഡിസംബറില്‍ നിരോധനം ഏർപ്പെടുത്തുക ആയിരുന്നു.Read More

Business371 days ago

ചെങ്കടലിൽ ഇന്ത്യയിലേക്ക് വരുന്ന എണ്ണ കപ്പലില്‍ ഹൂതികളുടെ മിസൈൽ പതിച്ചു

റഷ്യയിലെ പ്രിമോർസ്കിൽ നിന്ന് ഇന്ത്യയിലെ വാഡിനാറിലേക്ക് വരികയായിരുന്ന ആൻഡ്രോമിഡ സ്റ്റാർ എണ്ണക്കപ്പലിലാണ് ചെങ്കടലിൽ വെച്ച് മിസൈലുകള്‍ പതിച്ചത്. കപ്പലിന് കേടുപാടുകൾ സംഭവിച്ചതായി ബ്രിട്ടീഷ് സമുദ്ര സുരക്ഷാ സ്ഥാപനമായ ആംബ്രെ അറിയിച്ചു. ഇസ്രായേല്‍ വിരുദ്ധ നിലപാടുകള്‍ ഉളള ഹൂതികള്‍ നവംബർ മുതൽ ചെങ്കടൽ, ഏദൻ ഉൾക്കടൽ തുടങ്ങിയവിടങ്ങളിൽ തുടര്‍ച്ചയായി ഡ്രോൺ, മിസൈൽ ആക്രമണങ്ങൾ നടത്തുകയാണ്.

World373 days ago

ഉള്ളി കയറ്റുമതി നിരോധനം അനിശ്ചിതകാലത്തേക്ക് നീട്ടി കേന്ദ്രം

ഡിസംബറില്‍ ഏര്‍പ്പെടുത്തിയ ഉള്ളി കയറ്റുമതി നിരോധനം മാര്‍ച്ച് 31 ന് അവസാനിക്കാനിരിക്കെയാണ് നിരോധനം അനിശ്ചിതകാലത്തേക്ക് നീട്ടിയത്. കയറ്റുമതി നിരോധനത്തിന് മുന്‍പ് മഹാരാഷ്ട്രയില്‍ 4500 രൂപയായിരുന്ന 100 കിലോ ഉള്ളിയുടെ വില ഇപ്പോള്‍ 1200 രൂപയാണ്. തിരഞ്ഞെടുപ്പില്‍ മോദി സര്‍ക്കാരിന് ഉള്ളി വിലക്കയറ്റം മൂലമുള്ള വെല്ലുവിളി ഒഴിവാക്കാനാണ് കയറ്റുമതി നിരോധനം നീട്ടിയതെന്നും ഈ നടപടി അനാവശ്യമാണ് എന്നുമാണ് കയറ്റുമതിക്കാരുടെ വിമര്‍ശനം.

National406 days ago

ചെങ്കടലില്‍ ഇന്ത്യയിലേക്ക് വരികയായിരുന്ന കപ്പലുള്‍പ്പടെ 2 കപ്പലുകള്‍ക്ക് നേരെ ഹൂതി വിമതരുടെ ആക്രമണം

യെമന്‍ തുറമുഖമായ ഹൊഡെയ്ഡയുടെ പടിഞ്ഞാറ് ചെങ്കടലിന്റെ തെക്ക് ഭാഗത്താണ് ആദ്യത്തെ ആക്രമണം നടന്നത്. യെമനിലെ തെക്കന്‍ തുറമുഖ നഗരമായ ഏഡനിലാണ് രണ്ടാമത്തെ കപ്പല്‍ ആക്രമണത്തിനിരയായത്. പാലസ്തീന് ഐകദാര്‍ഢ്യം പ്രഖ്യാപിച്ചുകൊണ്ട് കഴിഞ്ഞ നവംബര്‍ മുതലാണ് ചെങ്കടലിലെ കപ്പലുകള്‍ക്ക് നേരെ ഹൂതി വിമതര്‍ ആക്രമണം ആരംഭിച്ചത്.

World453 days ago

ഹൂതികളുടെ മിസൈൽ ആക്രമണത്തില്‍ എണ്ണ കപ്പലിന് തീ പിടിച്ചു

ഗൾഫ് ഓഫ് ഏദനിൽ മാർലിൻ ലുവാണ്ട എന്ന ബ്രിട്ടിഷ് എണ്ണക്കപ്പലിനെയാണ് ഹൂതികള്‍ ആക്രമിച്ചത്. ആര്‍ക്കും പരിക്കേറ്റതായി റിപ്പോർട്ടുകളില്ല. ചെങ്കടലിലും പരിസരത്തുമായി ഹൂതികൾ വാണിജ്യ ഷിപ്പിംഗിന് നേരെ നടത്തിയ ഏറ്റവും പുതിയ ആക്രമണമാണിത്. ഏദനിൽ നിന്ന് 60 നോട്ടിക്കൽ മൈൽ തെക്ക് കിഴക്കായാണ് സംഭവം നടന്നത്.

World464 days ago

കോഴിക്കോട് വിമാനത്താവളത്തിലെ കയറ്റുമതിയില്‍ നവംബറില്‍ വന്‍ ഇടിവ്

നവംബറില്‍ കോഴിക്കോട് നിന്ന് നടക്കേണ്ട പഴം, പച്ചക്കറി കയറ്റുമതി 682 ടണ്‍ ആയി കുറഞ്ഞു. അതേസമയം കൊച്ചിയില്‍ നിന്ന് 1,204 ടണ്‍ കയറ്റുമതിയാണ് നടന്നത്. കോഴിക്കോട് നിപ റിപ്പോര്‍ട്ട് ചെയ്തതിനെ തുടര്‍ന്ന് ആരോഗ്യവകുപ്പ് ഏര്‍പ്പെടുത്തിയ ചരക്കുകയറ്റുമതി വിലക്കാണ് തിരിച്ചടിയായത്.Read More

Business467 days ago

ഹൂതികൾക്കെതിരെ വീണ്ടും ആക്രമണം നടത്തി USഉം UKയും

യെമനിലെ എട്ട് ഹൂതി കേന്ദ്രങ്ങള്‍ ലക്ഷ്യമാക്കിയാണ് ആക്രമണം നടത്തിയതെന്ന് പെന്റഗൺ അറിയിച്ചു. ഓസ്‌ട്രേലിയ, ബഹ്‌റൈൻ, കാനഡ, നെതർലൻഡ്‌സ് എന്നീ രാജ്യങ്ങളുടെ പിന്തുണയോടെയാണ് ആക്രമണം നടത്തിയത്. ലോകത്തെ ഏറ്റവും മികച്ച വാണിജ്യ പാതയായ ചെങ്കടലില്‍ സ്വതന്ത്ര വ്യാപാരം ഉറപ്പാക്കാന്‍ തങ്ങള്‍ പ്രതിജ്ഞാബദ്ധമാണെന്ന് US പറഞ്ഞു.

World468 days ago

യെമനിലെ ഹൂതി കേന്ദ്രങ്ങള്‍ ആക്രമിച്ച് USഉം UKയും

ചെങ്കടലില്‍ ഹൂതികള്‍ ചരക്കു കപ്പലുകള്‍ക്ക് നേരെ തുടര്‍ച്ചയായി ആക്രമണങ്ങള്‍ നടത്തുന്നതിന് തിരിച്ചടിയായാണ് യെമനിലെ ഒരു ഡസനിലധികം ഹൂതി കേന്ദ്രങ്ങള്‍ US, UK സേന തകര്‍ത്തത്. വിമാനം, കപ്പൽ, അന്തർവാഹിനി തുടങ്ങിയവ ഉപയോഗിച്ചാണ് ആക്രമണം നടത്തിയത്. ഹൂതികളുടെ സൈനിക ശേഷി ദുർബലപ്പെടുത്താൻ ലക്ഷ്യമിട്ടുള്ള ആക്രമണങ്ങളാണ് നടത്തിയതെന്ന് US അറിയിച്ചു.

World479 days ago

ചെങ്കടലില്‍ ഹൂതികളുടെ ആക്രമണം തുടരുന്നു; അയച്ചത് 21 ഡ്രോണുകളും മിസൈലുകളും

തെക്കൻ ചെങ്കടലിൽ അന്താരാഷ്ട്ര കപ്പൽപ്പാതയിലേക്ക് യെമൻ ആസ്ഥാനമായുള്ള ഹൂതികൾ തൊടുത്തുവിട്ട ഡ്രോണുകളും മിസൈലുകളും US, UK സേന വെടിവെച്ചിട്ടു. സംഭവത്തില്‍ ആളപായമോ നാശനഷ്ടങ്ങളോ റിപ്പോർട്ട് ചെയ്തിട്ടില്ല. നവംബർ 19 ന് ശേഷം ചെങ്കടലില്‍ ഹൂതികൾ നടത്തുന്ന 26ാമത്തെ ആക്രമണമാണിത്.

World480 days ago