സവാളയുടെ കയറ്റുമതി നിയന്ത്രണങ്ങൾ കേന്ദ്ര സർക്കാർ ഭാഗികമായി പിൻവലിക്കുന്നു

മഹാരാഷ്ട്രയിൽ നിന്നും ആറ് രാജ്യങ്ങളിലേക്ക് 99,500 ടൺ സവാള കയറ്റുമതി നടത്താൻ സർക്കാർ അനുമതി നല്‍കി. കഴിഞ്ഞ വിളവെടുപ്പ് സീസണിൽ കാലാവസ്ഥാ വ്യതിയാനം മൂലം ഉല്‍പ്പാദനത്തിൽ കനത്ത ഇടിവ് നേരിട്ടതിനാല്‍ രാജ്യത്ത് സവാള വിലയില്‍ വന്‍ വര്‍ധനവ് ഉണ്ടായതാണ് പ്രതിസന്ധി സൃഷ്ടിച്ചത്. ഇതോടെ ആഭ്യന്തര വിപണിയിൽ വില പിടിച്ചുനിറുത്തുന്നതിന് കേന്ദ്ര ഉപഭോക്തൃ മന്ത്രാലയം സവാളയുടെ കയറ്റുമതിക്ക് ഡിസംബറില്‍ നിരോധനം ഏർപ്പെടുത്തുക ആയിരുന്നു. ബംഗ്ളാദേശ്, UAE, ഭൂട്ടാൻ, ബെഹ്റിൻ, മൗറീഷ്യസ്, ശ്രീലങ്ക എന്നിവിടങ്ങളിലേക്കാണ് ഇന്ത്യ പ്രധാനമായും സവാള കയറ്റുമതി ചെയ്യുന്നത്.

Business371 days ago

ഇന്ത്യയിലേക്ക് ഹില്‍സ മത്സ്യക്കയറ്റുമതി നിരോധിച്ച് ബംഗ്ലാദേശ്

ദുര്‍ഗാപൂജ ആഘോഷങ്ങള്‍ അടുത്തതിനെ തുടര്‍ന്നാണ് ഇന്ത്യയിലേക്കുള്ള ഹില്‍സ മത്സ്യക്കയറ്റുമതിക്ക് ബംഗ്ലാദേശ് സര്‍ക്കാര്‍ നിരോധനം ഏര്‍പ്പെടുത്തിയിരിക്കുന്നത്. ദുര്‍ഗ പൂജയുള്‍പ്പെടെയുള്ള ആഘോഷവേളകളിലെ വിശിഷ്ട വിഭവങ്ങളിലൊന്നാണ് ഹില്‍സ മത്സ്യം. അതിനാല്‍ പ്രാദേശിക ഉപഭോക്താക്കള്‍ക്ക് വേണ്ടത്ര മത്സ്യലഭ്യത ഉറപ്പുവരുത്താന്‍ വേണ്ടിയാണ് ദുര്‍ഗാപൂജ സമയത്ത് ഇന്ത്യയിലേക്കുള്ള ഇലിഷ് അഥവാ പദ്മ ഹില്‍സ കയറ്റുമതി നിര്‍ത്തിവെയ്ക്കാന്‍ വാണിജ്യ മന്ത്രാലയത്തിന് നിര്‍ദേശം നല്‍കിയിരിക്കുന്നത്.

National236 days ago

ഉള്ളി കയറ്റുമതി നിരോധനം അനിശ്ചിതകാലത്തേക്ക് നീട്ടി കേന്ദ്രം

ഡിസംബറില്‍ ഏര്‍പ്പെടുത്തിയ ഉള്ളി കയറ്റുമതി നിരോധനം മാര്‍ച്ച് 31 ന് അവസാനിക്കാനിരിക്കെയാണ് നിരോധനം അനിശ്ചിതകാലത്തേക്ക് നീട്ടിയത്. കയറ്റുമതി നിരോധനത്തിന് മുന്‍പ് മഹാരാഷ്ട്രയില്‍ 4500 രൂപയായിരുന്ന 100 കിലോ ഉള്ളിയുടെ വില ഇപ്പോള്‍ 1200 രൂപയാണ്. തിരഞ്ഞെടുപ്പില്‍ മോദി സര്‍ക്കാരിന് ഉള്ളി വിലക്കയറ്റം മൂലമുള്ള വെല്ലുവിളി ഒഴിവാക്കാനാണ് കയറ്റുമതി നിരോധനം നീട്ടിയതെന്നും ഈ നടപടി അനാവശ്യമാണ് എന്നുമാണ് കയറ്റുമതിക്കാരുടെ വിമര്‍ശനം.

National406 days ago

സവാള കയറ്റുമതിയുടെ നിരോധനം മാർച്ച് 31 വരെ തുടരുമെന്ന് കേന്ദ്ര സർക്കാര്‍

കഴിഞ്ഞ ദിവസങ്ങളിൽ വിലക്ക് നീക്കാന്‍ സാധ്യതയുണ്ടെന്ന രീതിയില്‍ വാർത്ത വന്നതിനെ തുടർന്ന് സവാളയുടെ ഏറ്റവും വലിയ മൊത്ത വിതരണ പ്രദേശമായ മഹാരാഷ്ട്രയിലെ ലസാൽഗോണിൽ 40 ശതമാനത്തോളം വില കൂടാനുളള സാഹചര്യം ഉടലെടുത്തിരുന്നു. ഇതിനെ തുടര്‍ന്നാണ് നിരോധനം നീക്കാന്‍ ഉദ്ദേശിക്കുന്നില്ലെന്ന് കേന്ദ്രം വ്യക്തമാക്കിയത്. 2023 ഡിസംബർ എട്ടിനാണ് വിലക്കയറ്റം നിയന്ത്രിക്കുന്നതിന്‍റെ ഭാഗമായി കയറ്റുമതിക്ക് നിരോധനം കൊണ്ടുവരുന്നത്.

National438 days ago

ഉള്ളി കയറ്റുമതി നിരോധനം കേന്ദ്ര സർക്കാർ ഭാഗീകമായി നീക്കി

കേന്ദ്ര ആഭ്യന്തരമന്ത്രി അമിത് ഷായുടെ നേതൃത്വത്തിൽ ചേർന്ന യോഗത്തിലാണ് ഇത് സംബന്ധിച്ച് തീരുമാനമായത്. ഉള്ളിയുടെ വില അനിയന്ത്രിതമായി ഉയർന്നതോടെയാണ് കേന്ദ്ര സർക്കാർ 2023 ഡിസംബറിൽ ഉള്ളി കയറ്റുമതി ചെയ്യുന്നതിന് നിരോധനം ഏർപ്പെടുത്തിയത്. ഉള്ളി ഉത്പാദനം പൂർവ സ്ഥിതിയിൽ ആയതോടെയാണ് നിയന്ത്രിത അളവിൽ ബംഗ്ലാദേശ്, ശ്രീലങ്ക, മൗറിഷ്യസ്, ബഹ്റൈന്‍, ഭൂട്ടാന്‍, നേപ്പാള്‍ തുടങ്ങിയ രാജ്യങ്ങളിലേക്ക് കയറ്റുമതി ചെയ്യാൻ തീരുമാനിച്ചത്.

National440 days ago

ചെങ്കടലിലെ സംഘര്‍ഷം: ഇന്ത്യയില്‍നിന്നുള്ള വിവിധ ഉല്‍പ്പന്നങ്ങളുടെ കയറ്റുമതി പ്രതിസന്ധി

ചെങ്കടലിലെ സംഘര്‍ഷം രൂക്ഷമായ സാഹചര്യത്തില്‍ കപ്പലുകള്‍ റൂട്ട് മാറിപ്പോവുന്നതിനാല്‍ ഇന്ത്യയില്‍നിന്നുള്ള കയറ്റുമതിയും പ്രതിസന്ധിയിലായിരിക്കുകയാണ്. കപ്പലുകള്‍ക്ക് കേപ് ഓഫ് ഗുഡ് ഹോപ്പ് ചുറ്റി യൂറോപ്പിലെത്താന്‍ 6500 കിലോമീറ്ററിലധികം സഞ്ചരിക്കേണ്ടി വരുന്നതിനാല്‍ ചെലവ് വര്‍ധിച്ചു. ഇതിന് ആനുപാതികമായി വിലയും കൂടിയതിനാല്‍ ഉല്‍പ്പന്നങ്ങള്‍ വാങ്ങുന്നത് വിദേശരാജ്യങ്ങള്‍ കുറച്ചിരിക്കുകയാണ്. ഇതാണ് പ്രതിസന്ധിയാവുന്നത്. Read More

National457 days ago

കോഴിക്കോട് വിമാനത്താവളത്തിലെ കയറ്റുമതിയില്‍ നവംബറില്‍ വന്‍ ഇടിവ്

നവംബറില്‍ കോഴിക്കോട് നിന്ന് നടക്കേണ്ട പഴം, പച്ചക്കറി കയറ്റുമതി 682 ടണ്‍ ആയി കുറഞ്ഞു. അതേസമയം കൊച്ചിയില്‍ നിന്ന് 1,204 ടണ്‍ കയറ്റുമതിയാണ് നടന്നത്. കോഴിക്കോട് നിപ റിപ്പോര്‍ട്ട് ചെയ്തതിനെ തുടര്‍ന്ന് ആരോഗ്യവകുപ്പ് ഏര്‍പ്പെടുത്തിയ ചരക്കുകയറ്റുമതി വിലക്കാണ് തിരിച്ചടിയായത്.Read More

Business467 days ago

ഇ കൊമേഴ്‌സ് കയറ്റുമതിക്കായി ഗ്രീൻ ചാനൽ സൃഷ്ടിക്കാൻ ഒരുങ്ങി ഇന്ത്യ

ഇ കൊമേഴ്‌സ് കയറ്റുമതി സുഗമമാക്കുന്നതിന് കസ്റ്റംസ് നടപടിക്രമങ്ങൾ അടക്കമുളള നിയന്ത്രണങ്ങള്‍ ലഘൂകരിക്കാന്‍ വാണിജ്യ വകുപ്പ് റവന്യൂ വകുപ്പുമായി ചർച്ചകൾ ആരംഭിച്ചു കഴിഞ്ഞു. വിമാനത്താവളങ്ങൾക്ക് സമീപത്തായി കയറ്റുമതി ക്ലിയറൻസ് വേഗത്തിലാക്കാന്‍ സോണുകൾ വികസിപ്പിക്കാനാണ് പദ്ധതി. 2030 ഓടെ 1 ട്രില്യൺ ഡോളർ ചരക്ക് കയറ്റുമതിയാണ് ഇന്ത്യ ലക്ഷ്യമിടുന്നത്.

Business483 days ago

അരി കയറ്റുമതി ഗണ്യമായി കുറഞ്ഞതായി കേന്ദ്ര വാണിജ്യ വ്യവസായ മന്ത്രി

ചെങ്കടലില്‍ യെമൻ ആസ്ഥാനമായുള്ള ഹൂതി ഭീകരര്‍ തുടര്‍ച്ചയായ ആക്രമണങ്ങള്‍ നടത്തുന്നതിനാല്‍ ഗള്‍ഫ് രാജ്യങ്ങളിലേക്കും യൂറോപ്യൻ രാജ്യങ്ങളിലേക്കുമുളള ഇന്ത്യയുടെ അരി കയറ്റുമതിയില്‍ തടസ്സം നേരിട്ടിരിക്കുകയാണ്. ഡിസംബറിലെ കയറ്റുമതി കണക്കുകൾ പുറത്തുവന്നതിന് ശേഷം ഇതുസംബന്ധിച്ച വ്യക്തമായ ചിത്രം പുറത്തുവരുമെന്നും കേന്ദ്ര മന്ത്രി പിയൂഷ് ഗോയൽ പറഞ്ഞു.

Business493 days ago

ഏഷ്യൻ വിപണികളിൽ ഉള്ളിയുടെ വില ഉയരുന്നു

അന്താരാഷ്ട്ര തലത്തില്‍ പ്രധാന ഉള്ളി കയറ്റുമതി രാജ്യമായ ഇന്ത്യ ഡിസംബർ 8നാണ് ഉള്ളി കയറ്റുമതി നിരോധിച്ചത്. ബംഗ്ലാദേശ്, മലേഷ്യ, നേപ്പാൾ, ശ്രീലങ്ക, UAE തുടങ്ങിയവിടങ്ങളില്‍ ഉള്ളിയുടെ വില വർദ്ധിക്കുകയാണ്. ഉള്ളിയുടെ ആഭ്യന്തര ഉൽപ്പാദനം കുറഞ്ഞതാണ് ഇന്ത്യ കയറ്റുമതി നിരോധിക്കാന്‍ കാരണം.

Business501 days ago

നവംബറില്‍ ഇന്ത്യയുടെ കയറ്റുമതിയില്‍ ഇടിവ്

വാണിജ്യാധിഷ്ഠിത കയറ്റുമതി 2.8 ശതമാനമാണ് ഇടിഞ്ഞത്. 2022 നവംബറില്‍ കയറ്റുമതി വരുമാനം 3,489 കോടി ഡോളറായിരുന്നത് ഇക്കൊല്ലം 3,390 കോടി ഡോളറിലേക്ക് ഇടിഞ്ഞു. വ്യാപാരക്കമ്മി നവംബറില്‍ 2,058 കോടി ഡോളറിലേക്ക് കുറഞ്ഞിട്ടുണ്ട്.

Business506 days ago