അരി കയറ്റുമതി ഗണ്യമായി കുറഞ്ഞതായി കേന്ദ്ര വാണിജ്യ വ്യവസായ മന്ത്രി

ചെങ്കടലില്‍ യെമൻ ആസ്ഥാനമായുള്ള ഹൂതി ഭീകരര്‍ തുടര്‍ച്ചയായ ആക്രമണങ്ങള്‍ നടത്തുന്നതിനാല്‍ ഗള്‍ഫ് രാജ്യങ്ങളിലേക്കും യൂറോപ്യൻ രാജ്യങ്ങളിലേക്കുമുളള ഇന്ത്യയുടെ അരി കയറ്റുമതിയില്‍ തടസ്സം നേരിട്ടിരിക്കുകയാണ്. ഡിസംബറിലെ കയറ്റുമതി കണക്കുകൾ പുറത്തുവന്നതിന് ശേഷം ഇതുസംബന്ധിച്ച വ്യക്തമായ ചിത്രം പുറത്തുവരുമെന്നും കേന്ദ്ര മന്ത്രി പിയൂഷ് ഗോയൽ പറഞ്ഞു.

Tags : Export,Rice

Business492 days ago

ഇന്ത്യയിലേക്ക് ഹില്‍സ മത്സ്യക്കയറ്റുമതി നിരോധിച്ച് ബംഗ്ലാദേശ്

ദുര്‍ഗാപൂജ ആഘോഷങ്ങള്‍ അടുത്തതിനെ തുടര്‍ന്നാണ് ഇന്ത്യയിലേക്കുള്ള ഹില്‍സ മത്സ്യക്കയറ്റുമതിക്ക് ബംഗ്ലാദേശ് സര്‍ക്കാര്‍ നിരോധനം ഏര്‍പ്പെടുത്തിയിരിക്കുന്നത്. ദുര്‍ഗ പൂജയുള്‍പ്പെടെയുള്ള ആഘോഷവേളകളിലെ വിശിഷ്ട വിഭവങ്ങളിലൊന്നാണ് ഹില്‍സ മത്സ്യം. അതിനാല്‍ പ്രാദേശിക ഉപഭോക്താക്കള്‍ക്ക് വേണ്ടത്ര മത്സ്യലഭ്യത ഉറപ്പുവരുത്താന്‍ വേണ്ടിയാണ് ദുര്‍ഗാപൂജ സമയത്ത് ഇന്ത്യയിലേക്കുള്ള ഇലിഷ് അഥവാ പദ്മ ഹില്‍സ കയറ്റുമതി നിര്‍ത്തിവെയ്ക്കാന്‍ വാണിജ്യ മന്ത്രാലയത്തിന് നിര്‍ദേശം നല്‍കിയിരിക്കുന്നത്.

National236 days ago

സവാളയുടെ കയറ്റുമതി നിയന്ത്രണങ്ങൾ കേന്ദ്ര സർക്കാർ ഭാഗികമായി പിൻവലിക്കുന്നു

മഹാരാഷ്ട്രയിൽ നിന്നും ആറ് രാജ്യങ്ങളിലേക്ക് 99,500 ടൺ സവാള കയറ്റുമതി നടത്താൻ സർക്കാർ അനുമതി നല്‍കി. കഴിഞ്ഞ വിളവെടുപ്പ് സീസണിൽ കാലാവസ്ഥാ വ്യതിയാനം മൂലം ഉല്‍പ്പാദനത്തിൽ കനത്ത ഇടിവ് നേരിട്ടതിനാല്‍ രാജ്യത്ത് സവാള വിലയില്‍ വന്‍ വര്‍ധനവ് ഉണ്ടായതാണ് പ്രതിസന്ധി സൃഷ്ടിച്ചത്. ഇതോടെ ആഭ്യന്തര വിപണിയിൽ വില പിടിച്ചുനിറുത്തുന്നതിന് കേന്ദ്ര ഉപഭോക്തൃ മന്ത്രാലയം സവാളയുടെ കയറ്റുമതിക്ക് ഡിസംബറില്‍ നിരോധനം ഏർപ്പെടുത്തുക ആയിരുന്നു.Read More

Business371 days ago

ഉള്ളി കയറ്റുമതി നിരോധനം അനിശ്ചിതകാലത്തേക്ക് നീട്ടി കേന്ദ്രം

ഡിസംബറില്‍ ഏര്‍പ്പെടുത്തിയ ഉള്ളി കയറ്റുമതി നിരോധനം മാര്‍ച്ച് 31 ന് അവസാനിക്കാനിരിക്കെയാണ് നിരോധനം അനിശ്ചിതകാലത്തേക്ക് നീട്ടിയത്. കയറ്റുമതി നിരോധനത്തിന് മുന്‍പ് മഹാരാഷ്ട്രയില്‍ 4500 രൂപയായിരുന്ന 100 കിലോ ഉള്ളിയുടെ വില ഇപ്പോള്‍ 1200 രൂപയാണ്. തിരഞ്ഞെടുപ്പില്‍ മോദി സര്‍ക്കാരിന് ഉള്ളി വിലക്കയറ്റം മൂലമുള്ള വെല്ലുവിളി ഒഴിവാക്കാനാണ് കയറ്റുമതി നിരോധനം നീട്ടിയതെന്നും ഈ നടപടി അനാവശ്യമാണ് എന്നുമാണ് കയറ്റുമതിക്കാരുടെ വിമര്‍ശനം.

National406 days ago

സംസ്ഥാന സര്‍ക്കാര്‍ 29 രൂപയ്ക്ക് നല്‍കുന്ന ‘ശബരി കെ റൈസ്’ സപ്ലൈകോയിലൂടെ വില്‍പ്പനയ്ക്ക് എത്തിക്കും

കിലോഗ്രാമിനു 40.11 രൂപയ്ക്ക് വാങ്ങുന്ന അരി സബ്സിഡി നല്‍കി കെ റൈസ് എന്ന പേരില്‍ നൽകുകയാണ്. ജയ (29 രൂപ), കുറുവ (30), മട്ട (30) എന്നീ ഇനം അരികളാണ് തുടക്കത്തില്‍ ശബരി കെ റൈസായി വില്‍പ്പനയ്ക്ക് എത്തിക്കുന്നത്. പ്രതിമാസം 5 കിലോഗ്രാം അരിയാണ് ലഭിക്കുക. ഇന്ന് ഭക്ഷ്യമന്ത്രി ജി.ആര്‍. അനില്‍ കെ റൈസിന്റെ സംസ്ഥാനതല ഉദ്ഘാടനം നിര്‍വഹിച്ച ശേഷം വിൽപ്പന തുടങ്ങുന്നതാണ്.

Kerala424 days ago

കേന്ദ്രത്തിന്റെ ഭാരത് അരിക്ക് ബദല്‍; കുറഞ്ഞ വിലയ്ക്ക് ശബരി അരി വിപണിയിലിറക്കാന്‍ കേരളം

മറ്റ് സംസ്ഥാനങ്ങളില്‍ നിന്ന് കുറഞ്ഞ വിലയ്ക്ക് അരി എത്തിച്ച് സ്വന്തം നിലയില്‍ വിതരണം ചെയ്യാനാണ് സംസ്ഥാനത്തിന്റെ നീക്കം. ഇക്കാര്യം പരിശോധിക്കാന്‍ സപ്ലൈകോയ്ക്ക് നിര്‍ദേശം നല്‍കിയതായി ഭക്ഷ്യവകുപ്പ് മന്ത്രി ജി.ആര്‍ അനില്‍ പറഞ്ഞു. മലയാളികള്‍ ഉപയോഗിക്കുന്ന അരിയാകും വിതരണം ചെയ്യുകയെന്നും ഇത് കേന്ദ്രവും കേരളവും തമ്മിലുള്ള മത്സരമല്ലെന്നും മന്ത്രി പറഞ്ഞു.

Kerala441 days ago

ഭാരത് അരി ഇന്ന് പാലക്കാട് ഒറ്റപ്പാലത്ത് വിതരണം ചെയ്യും

ലോക്സഭാ തിരഞ്ഞെടുപ്പ് മുന്നിൽ കണ്ടാണ് കേന്ദ്ര സര്‍ക്കാര്‍ ഭാരത് അരി വിതരണം ചെയ്യുന്നത് എന്ന് സംസ്ഥാന ഭക്ഷ്യമന്ത്രി ജി.ആർ. അനിൽ രൂക്ഷ വിമര്‍ശനം ഉന്നയിച്ചിരുന്നു. ഇതിനു പിന്നാലെയാണ് തൃശ്ശൂര്‍ കൂടാതെ മറ്റൊരു ജില്ലയിലേക്ക് അരി ലഭ്യമാക്കിയിരിക്കുന്നത്. പാലക്കാട്‌ നഗരത്തില്‍ ഭാരത് അരിയുടെ വില്‍പ്പന ഇന്നലെ ഉണ്ടായിരുന്നു. 1000ത്തോളം ആളുകള്‍ അരി വാങ്ങിയതായി അധികൃതര്‍ അറിയിച്ചു.

Kerala443 days ago

ഭാരത് റൈസ് തൃശ്ശൂരിൽ കൊണ്ടുവന്ന് കേന്ദ്ര സര്‍ക്കാര്‍ വിലകുറഞ്ഞ രാഷ്ട്രീയം കളിക്കുന്നതായി ഭക്ഷ്യ മന്ത്രി

ഇന്ത്യയില്‍ മറ്റൊരു സംസ്ഥാനത്തും ഭാരത് റൈസ് വില്‍പ്പന നടത്തുന്നില്ല. സപ്ലൈകോയില്‍ അരിയില്ലെന്ന് വരുമ്പോൾ ജനങ്ങള്‍ സ്വാഭാവികമായും സംസ്ഥാന സര്‍ക്കാരിനെതിരെ തിരിയും. ഇത് മുതലെടുക്കാനാണ് ഭാരത് റൈസ് കൊണ്ടു വന്നിരിക്കുന്നത്. മോദി സര്‍ക്കാരിന്‍റെ നടപടി സങ്കുചിത രാഷ്ട്രീയമാണെന്ന് വ്യക്തമാണെന്നും മന്ത്രി ജി.ആർ. അനിൽ പറഞ്ഞു.

Kerala450 days ago

കേന്ദ്ര സര്‍ക്കാരിന്‍റെ ഭാരത് അരി സംസ്ഥാനത്ത് ആദ്യം വില്‍പ്പന തുടങ്ങിയത് തൃശ്ശൂരില്‍

കിലോയ്ക്ക് 29 രൂപ നിരക്കില്‍ തൃശ്ശൂരില്‍ 150 ചാക്ക് പൊന്നി അരിയാണ് വില്‍പ്പന നടത്തിയത്. അടുത്തയാഴ്ചയോടെ കേരളത്തില്‍ ആകെ ഭാരത് അരി വില്‍പ്പനയ്ക്ക് എത്തിക്കുമെന്ന് നാഷണൽ കോ–ഓപറേറ്റീവ് കൺസ്യൂമർ ഫെഡറേഷന്‍ അറിയിച്ചു. ഭാരത് അരി വിതരണത്തിന് ഷോപ്പുകള്‍ ആരംഭിക്കാന്‍ ഉദ്ദേശിക്കുന്നതായും അധികൃതര്‍ പറഞ്ഞു.

Kerala452 days ago

കിലോഗ്രാമിന് 29 രൂപ എന്ന നിരക്കില്‍ ഭാരത് അരി കേന്ദ്രസർക്കാര്‍ പുറത്തിറക്കി

അടുത്തയാഴ്ച വിപണിയിലെത്തുന്ന അരി അഞ്ച്, 10 കിലോ ഗ്രാം പാക്കറ്റുകളിലായിരിക്കും ലഭിക്കുക. നാഫെഡ്, നാഷണൽ കോ-ഓപ്പറേറ്റീവ് കൺസ്യൂമേഴ്സ് ഫെഡറേഷൻ, കേന്ദ്രീയ ഭണ്ഡാർ തുടങ്ങിയ സംവിധാനങ്ങളിലൂടെ അരി പൊതുവിപണിയില്‍ ലഭ്യമാക്കാനാണ് ലക്ഷ്യമിടുന്നത്. ഇ-കൊമേഴ്സ് പ്ലാറ്റ്ഫോമുകളിലൂടെയും അരി വാങ്ങാന്‍ സാധിക്കുന്നതാണ്.

National452 days ago

ചെങ്കടലിലെ സംഘര്‍ഷം: ഇന്ത്യയില്‍നിന്നുള്ള വിവിധ ഉല്‍പ്പന്നങ്ങളുടെ കയറ്റുമതി പ്രതിസന്ധി

ചെങ്കടലിലെ സംഘര്‍ഷം രൂക്ഷമായ സാഹചര്യത്തില്‍ കപ്പലുകള്‍ റൂട്ട് മാറിപ്പോവുന്നതിനാല്‍ ഇന്ത്യയില്‍നിന്നുള്ള കയറ്റുമതിയും പ്രതിസന്ധിയിലായിരിക്കുകയാണ്. കപ്പലുകള്‍ക്ക് കേപ് ഓഫ് ഗുഡ് ഹോപ്പ് ചുറ്റി യൂറോപ്പിലെത്താന്‍ 6500 കിലോമീറ്ററിലധികം സഞ്ചരിക്കേണ്ടി വരുന്നതിനാല്‍ ചെലവ് വര്‍ധിച്ചു. ഇതിന് ആനുപാതികമായി വിലയും കൂടിയതിനാല്‍ ഉല്‍പ്പന്നങ്ങള്‍ വാങ്ങുന്നത് വിദേശരാജ്യങ്ങള്‍ കുറച്ചിരിക്കുകയാണ്. ഇതാണ് പ്രതിസന്ധിയാവുന്നത്. Read More

National457 days ago