മോഹന്‍ലാല്‍ ചിത്രം മലൈക്കോട്ടൈ വാലിബന്‍ OTTയിലേക്ക്

ലിജോ ജോസ് പെല്ലിശ്ശേരി-മോഹന്‍ലാല്‍ കൂട്ടുകെട്ടില്‍ പുറത്തിറങ്ങിയ ചിത്രം മലൈക്കോട്ടൈ വാലിബന്‍ മാര്‍ച്ച് ആദ്യവാരം ഡിസ്‌നി പ്ലസ് ഹോട്ട്‌സ്റ്റാറിലെത്തുമെന്ന് ഒടിടി പ്ലേ. ജനുവരി 25നാണ് ചിത്രം തിയേറ്ററുകളിലെത്തിയത്. 29.65 കോടിയുടെ കളക്ഷന്‍ നേടിയ ചിത്രത്തിന് പ്രേക്ഷകരില്‍ നിന്നും സമ്മിശ്ര പ്രതികരണമാണ് ലഭിച്ചത്.

Tags : OTT,Malayalam OTT Releases,Mohan Lal

Entertainment449 days ago

‘വാഴ’ സെപ്റ്റംബര്‍ 23 ന് OTTയിലെത്തും

ആനന്ദ് മേനന്‍ സംവിധാനം ചെയ്ത വാഴ: ബയോപിക് ഓഫ് എ ബില്യണ്‍ ബോയ്‌സ് OTTയിലേക്ക്. ഡിസ്‌നി പ്ലസ് ഹോട്ട്സ്റ്റാറിലൂടെ സെപ്റ്റംബര്‍ 23 നാണ് ചിത്രം സ്ട്രീമിംഗ് ആരംഭിക്കുക. മലയാളത്തിന് പുറമെ തമിഴ്, തെലുങ്ക്, കന്നഡ, ഹിന്ദി ഭാഷകളിലും ചിത്രം കാണാനാവും. സോഷ്യല്‍ മീഡിയ താരങ്ങളായ സിജു സണ്ണി, സാഫ് ബോയ്, ഹാഷിര്‍ എന്നിവരെക്കൂടാതെ ജഗദീഷ്, നോബി മാര്‍ക്കോസ്, കോട്ടയം നസീര്‍, അസിസ് നെടുമങ്ങാട് എന്നിവരാണ് ചിത്രത്തിലെ മറ്റ് പ്രധാന കഥാപാത്രങ്ങളെ അവതരിപ്പിച്ചത്.

Entertainment228 days ago

‘നുണക്കുഴി’ സെപ്റ്റംബര്‍ 13ന് OTTയിലെത്തും

ബേസില്‍ ജോസഫിനെ നായകനാക്കി ജിത്തു ജോസഫ് സംവിധാനം ചെയ്ത നുണക്കുഴിയുടെ OTT റിലീസ് തീയതി പ്രഖ്യാപിച്ചു. സെപ്റ്റംബര്‍ 13ന് സീ 5ലൂടെയാണ് ചിത്രം ഒടിടി സ്ട്രീമിംഗ് ആരംഭിക്കുന്നത്. ഓഗസ്റ്റ് 15 നായിരുന്നു കോമഡി ഡ്രാമ വിഭാഗത്തില്‍പ്പെടുന്ന ചിത്രം തീയേറ്ററുകളിലെത്തിയത്. നിഖില വിമല്‍, ഗ്രേസ് ആന്റണി, സിദ്ദിഖ്, മനോജ് കെ ജയന്‍, അജു വര്‍ഗീസ്, സൈജു കുറുപ്പ്, അല്‍ത്താഫ് സലിം, ലെന, സ്വാസിക, ബിനു പപ്പു തുടങ്ങിയവരാണ് ചിത്രത്തിലെ മറ്റ് പ്രധാന കഥാപാത്രങ്ങളെ അവതരിപ്പിച്ചിരിക്കുന്നത്.

Entertainment239 days ago

മോഹന്‍ലാല്‍ പ്രസിഡന്റ് സ്ഥാനം ഒഴിഞ്ഞു; ‘അമ്മ’യില്‍ കൂട്ടരാജി

താരസംഘടനയായ അമ്മയില്‍ നിന്നും പ്രസിഡന്റ് മോഹന്‍ലാല്‍ ഉള്‍പ്പടെ 17 എക്‌സിക്യൂട്ടീവ് അംഗങ്ങളും രാജിവെച്ചു. നിലവിലെ ഭരണസമിതി പിരിച്ചുവിട്ടു. തീരുമാനം ഓണ്‍ലൈന്‍ യോഗത്തില്‍. സംഘടന രാജി മുഖ്യമന്ത്രിയെ അറിയിച്ചു. രണ്ട് മാസത്തിനുള്ളില്‍ പൊതുയോഗം കൂടി പുതിയ ഭരണസമിതിയെ തിരഞ്ഞെടുക്കുമെന്നാണ് റിപ്പോര്‍ട്ട്.

Kerala250 days ago

തലവൻ OTT റിലീസ് തീയതി പ്രഖ്യാപിച്ചു

ആസിഫ് അലി, ബിജു മേനോൻ എന്നിവരെ കേന്ദ്ര കഥാപാത്രങ്ങളാക്കി ജിസ് ജോയ് സംവിധാനം ചെയ്ത ചിത്രമായ തലവന്റെ OTT റിലീസ് തീയതി ഔദ്യോഗികമായി പ്രഖ്യാപിച്ചു. ചിത്രം സെപ്റ്റംബർ 10 മുതൽ സോണി ലിവിലൂടെ സ്ട്രീമിങ് ആരംഭിക്കും. മെയ് 24ന് തിയേറ്ററുകളിൽ എത്തിയ ക്രൈം ത്രില്ലർ ചിത്രത്തിന് മികച്ച അഭിപ്രായമാണ് ലഭിച്ചത്. ചിത്രത്തിന് രണ്ടാം ഭാഗവും പ്രഖ്യാപിച്ചിട്ടുണ്ട്.

Entertainment253 days ago

കല്‍ക്കി 2898 AD OTT റിലീസ് തീയതി ഔദ്യോഗികമായി പ്രഖ്യാപിച്ചു

പ്രഭാസിന്റെ ബ്രഹ്മാണ്ഡ ചിത്രമായ കൽക്കി ഓഗസ്റ്റ് 22ന് OTT യിലെത്തും. ചിത്രത്തിന്‍റെ ഹിന്ദി സ്ട്രീമിംഗ് നെറ്റ്ഫ്ലിക്സും, ദക്ഷിണേന്ത്യന്‍ ഭാഷകളിലെ സ്ട്രീമിംഗ് ആമസോണ്‍ പ്രൈം വീഡിയോസുമാണ് നടത്തുക. ഓഗസ്റ്റ് 22ന് ദക്ഷിണേന്ത്യന്‍ ഭാഷകളിലെ സ്ട്രീമിംഗാണ് ആരംഭിക്കുക. ജൂൺ 27ന് തിയേറ്ററുകളിൽ എത്തിയ ചിത്രം ആഗോളതലത്തില്‍ 1200 കോടിയിലധികം നേടി. കല്‍ക്കി ഇന്ത്യയില്‍ നിന്ന് മാത്രം 650 കോടിയോളം കളക്ഷൻ നേടി. അമിതാഭ് ബച്ചൻ, കമൽ ഹാസൻ, ദീപിക പദുകോൺ, ദിഷ പഠാനി, ശോഭന തുടങ്ങി വലിയ താരനിര അണിനിരന്ന ചിത്രം സംവിധാനം ചെയ്തിരിക്കുന്നത് നാഗ് അശ്വിനാണ്.

Entertainment260 days ago

തലവൻ OTT യിലെത്തുന്നു

ജിസ് ജോയ് സംവിധാനം നിർവഹിച്ച് ആസിഫ് അലി - ബിജു മേനോൻ എന്നിവർ ഒന്നിച്ച ക്രൈം ത്രില്ലർ ചിത്രമായ തലവൻ OTT യിലെത്തുന്നു. ചിത്രം സെപ്റ്റംബർ 12ന് സോണി ലിവിലൂടെ പ്രദർശനം ആരംഭിക്കുമെന്നാണ് റിപ്പോർട്ട്. മെയ് 24ന് തിയേറ്ററുകളിൽ എത്തിയ ചിത്രത്തിന് മികച്ച പ്രേക്ഷക പ്രതികരണമാണ് ലഭിച്ചത്. ആനന്ദ് തേവർക്കാട്ട് , ശരത് പെരുമ്പാവൂർ എന്നിവർ ചേർന്നാണ് ചിത്രത്തിന് തിരക്കഥ ഒരുക്കിയിരിക്കുന്നത്. ആസിഫ് അലിക്കും ബിജു മേനോനും പുറമെ അനുശ്രീ, മിയ, ശങ്കര്‍ രാമകൃഷ്‍ണൻ, ജാഫര്‍ ഇടുക്കി, ദിലീഷ് പോത്തൻ, കോട്ടയം നസീര്‍ എന്നിവരും ചിത്രത്തിൽ വേഷമിടുന്നു.

Entertainment265 days ago

മമ്മൂട്ടി ചിത്രം ടര്‍ബോ ഓഗസ്റ്റ് 9ന് OTT യിലെത്തും

മമ്മൂട്ടിയെ നായകനാക്കി വൈശാഖ് സംവിധാനം ചെയ്ത് മെയ് 23ന് തിയേറ്ററുകളിൽ എത്തിയ ചിത്രമാണ് ടർബോ. ചിത്രം ഓഗസ്റ്റ് 9ന് സോണി ലിവിലൂടെ സ്ട്രീമിങ് ആരംഭിക്കും. മിഥുൻ മാനുവൽ തോമസാണ് ചിത്രത്തിന് തിരക്കഥ ഒരുക്കിയിരിക്കുന്നത്. മമ്മൂട്ടി കമ്പനി നിർമിച്ച ഈ ചിത്രം ആഗോള ബോക്സ് ഓഫീസിൽ നിന്നും 70 കോടിയോളം രൂപയാണ് കളക്ട് ചെയ്തത്.

Entertainment272 days ago

ഇന്ത്യന്‍ 2 ഓഗസ്റ്റ് 9 ന് OTTയിലെത്തും

എസ്. ശങ്കറിന്റെ സംവിധാനത്തില്‍ കമല്‍ഹാസന്‍ നായകനായെത്തിയ ഇന്ത്യന്‍ 2വിന്റെ OTT റിലീസ് പ്രഖ്യാപിച്ചു. നെറ്റ്ഫ്‌ലിക്‌സിലൂടെ ഓഗസ്റ്റ് ഒമ്പതിനാണ് ചിത്രം OTTയില്‍ എത്തുക. കമല്‍ഹാസന്‍ നായകനായി 1996ല്‍ പ്രദര്‍ശനത്തിനെത്തിയ ചിത്രം 'ഇന്ത്യന്‍' വന്‍ ഹിറ്റായിരുന്നു. ഇതിന്റെ രണ്ടാം ഭാഗമെന്ന നിലയിലാണ് ഇന്ത്യന്‍ 2 എത്തിയത് എങ്കിലും പ്രതീക്ഷയ്‌ക്കൊത്ത വിജയം നേടാന്‍ ഈ ചിത്രത്തിന് സാധിച്ചില്ല.

Entertainment273 days ago

വയനാട് ദുരന്ത ഭൂമി സന്ദര്‍ശിച്ച് മോഹന്‍ലാല്‍

ഉരുള്‍പൊട്ടല്‍ ദുരന്തബാധിതര്‍ക്ക് ആശ്വാസമേകാനായി ലെഫ്റ്റനന്റ് കേണല്‍ കൂടിയായ നടന്‍ മോഹന്‍ലാല്‍ മേപ്പാടിയിലെ ദുരിതാശ്വാസ ക്യാമ്പിലെത്തി. ആര്‍മി ക്യാമ്പില്‍ എത്തിയ ശേഷമാണ് അദ്ദേഹം ദു രിതബാധിത പ്രദേശങ്ങളിലേക്ക് എത്തിയത്. ക്യാമ്പ് സന്ദര്‍ശിച്ചതിന് ശേഷം മോഹന്‍ലാല്‍ മുണ്ടക്കൈയിലേക്ക് തിരിച്ചു. മുഖ്യമന്ത്രിയുടെ ദുരിതാശ്വാസ നിധിയിലേക്ക് മോഹന്‍ലാല്‍ 25 ലക്ഷം രൂപ സംഭാവന നല്‍കിയിരുന്നു.

Kerala274 days ago

‘ദേവദൂതന്‍’ നാളെ തിയേറ്ററുകളിലെത്തും

മോഹന്‍ലാല്‍ ചിത്രം 'ദേവദൂതന്‍' നാളെ (ജൂലൈ 26) തിയേറ്ററുകളില്‍ റീ-റീലീസ് ചെയ്യും. നീണ്ട 24 വര്‍ഷങ്ങള്‍ക്ക് ശേഷമാണ് വിശാല്‍ കൃഷ്ണമൂര്‍ത്തിയും മഹേശ്വറും അലീനയും വീണ്ടും പ്രേക്ഷകരുടെ മുന്നിലേക്ക് എത്തുന്നത്. പ്രണയവും സംഗീതവും ഇഴചേര്‍ന്ന മിസ്ട്രി ഹൊറര്‍ ചിത്രമാണ് ദേവദൂതന്‍. 2000ല്‍ സിബി മലയിലിന്റെ സംവിധാനത്തില്‍ പുറത്തിറങ്ങിയ ചിത്രം 4K ദൃശ്യ മികവിലും, ഡോള്‍ബി അറ്റ്മോസ് ശബ്ദത്തിലുമാണ് പുനരവതരിപ്പിക്കുന്നത്.

Entertainment283 days ago